Sicilia

…

a lu ritornu vitti puru Roma,

vitti San Petru cu li culunnati;

vitti li maravigghi di stu munnu,

di lu progressu e di la civirtati.

–

Vitti, ma lu me cori a tia turnava,

a tia, Sicilia mia, terra ‘ncantata,

sbucciata comu un ciuri ‘ntra lu mari,

terra di tantu amuri e scunsulata.

–

…

Cussì turnava a tia, quannu ‘ncuntrava

quarchi facci patuta e pinsirusa,

turnava a li dulura senza fini

di la to razza forti e ginirusa.

–

Vito Mercadante, 1910